हजारभर पुस्तके!

​
फ़क्त एक क्लिक ... आणि पुस्तक हजर

(पुस्तक उघडण्यासाठी नांव किंवा कव्हरवर क्लिक करा)

 ॥ Marathi Books ॥
​

 
मित्रांनो..!!

दोन व्यक्ती कधीच पूर्णपणे वेगळ्या नसतात. त्यामुळे वेगळ्या देशातील, वेगळ्या धर्माच्या, वेगळ्या काळातल्या, वेगळ्या वयाच्या व्यक्तीने लिहीलेले पुस्तक आपल्या मनाचा ठाव घेते. जणू आपलेच मन त्याने किंवा तिने लिहीले आहे असे वाटते. लेखकाचे मन काळ, वंश, देश, गरीबी श्रीमंती यांना भेदून परकाया प्रवेश करते. पुस्तके वाचताना लेखकाचे मन, त्याचे विचार, भावना, कल्पना आपल्यात सामावत जातात. आपला भाग बनतात. आपले व्यक्तीमत्त्व चमकत जाते. आपल्या विचारांचा आवाका वाढत जातो. आपण श्रीमंत होत जातो. जसे दूध, तूप, बदाम, पिस्ते खाऊन आपले शरीर हळू हळू सुदृढ होत जाते तसेच पुस्तके वाचत वाचत आपले मन सुदृढ होत जाते. विचार विशाल होतात. दृष्टी स्वच्छ होते. हे एका दिवसात, एका वर्षात होत नाही. ते सतत व्हावे लागते.
आम्ही बदाम पिस्ते तर मोफ़त वाटू शकत नाही. ते तर तुम्हाला तुमचे आईवडीलच वाटू शकतात.
आम्ही मोफ़त पुस्तके देतो. ई पुस्तके.
या वेबसाईटवर कुठेही बिनधास्त क्लिका. मोकळ्या मनाने फ़ेरफ़टका मारा. अगदी एखाद्या मंदिरात फ़िरता तसे. किंवा बागेत. स्वतःच्या घरात.
सगळं फ़्री आणि ईझी.
बेसुमार मराठी पुस्तकं वाचा. All Free Marathi books  उत्तम दर्जेदार पुस्तकं. कोणताही विषय घ्या. कितीही वाचा. कुठेही पैशाची मागणी नाही. जाहिराती नाहीत. भलत्यासलत्या हायटेक लिंक्स नाहीत, व्हायरस नाही.  ब्रेक्स नाहीत. खरे मराठीचे भक्त असाल तर याहून मोठा सुखाचा खजिना तुम्हाला इतक्या सहजपणे कुठेही मिळणार नाही.
इथे फ़िरा. बघा. बागडा. क्लिका. वाचा. डाऊनलोड करा. फ़्री मनाने, मनसोक्त. आत्मविश्वासाने. मराठी पुस्तक प्रेमिकांसाठी आहे हे. Free Marathi ebooks.
www.esahity.com
ई पुस्तके सुगंधासारखी असतात. तुम्ही ती वाटत जा. तरीही तुमचा साठा कमी होत नाही. कृपया आपल्याला आवडलेली पुस्तके इतरांना फ़ॉरवर्ड करा. आनंद. फ़क्त घेऊ नका. द्या.
आपल्याला ही साइट आवडली तर तिची लिंक इतरांना द्या. आनंद. फ़क्त घेऊ नका. द्या.
ई पुस्तकांशी मैत्री करा आणि मित्रांशी ई-पुस्तकांची ओळख करून द्या. वाचलेल्या पुस्तकांच्या लेखकांना अभिप्राय कळवा. आनंद. फ़क्त घेऊ नका. द्या.
मनुष्य-जन्म, आई-वडील, प्राण-वायू, देशाचे नागरिकत्व आणि ईसाहित्य प्रतिष्ठानची ई-पुस्तके विनामूल्य मिळतात.  पण म्हणून त्यांना कमी लेखाल तर ती मोठी चूक ठरेल. इथे तुम्हाला अत्यंत दर्जेदार पुस्तके मिळतील.
या मराठी पुस्तकांचे कायदेशीर अधिकार ई साहित्य प्रतिष्ठानकडे आहेत.  आम्ही ती पुस्तके फ़्री वाटण्याचे कायदेशीर अधिकार तुम्हाला देत आहोत.
मोबाईल वर पुस्तके वाचण्यासाठी आता ऍप उपलब्ध आहे.
https://play.google.com/store/apps/details?id=com.esahity.www.esahitybooks

              केवळ मराठी पुस्तक नाही, केवळ मराठी भाषा नाही. 
                   इथे मराठी संस्कृतीचा उत्सव असतो. रोज. क्षणोक्षणी. 

पुस्तके वाचत असताना : संगीताचा आस्वादही घेऊ शकता : एकदा संगीत सेक्शनला भेट द्या : मराठी गाणी  ऐका.
मूळ प्राकृत ज्ञानेश्वरी आणि नेहमीच्या वापरातल्या मराठीतली भावार्थ ज्ञानेश्वरी, दोन्हींचे खुप सुंदर ऑडिओ आहेत. एकदा ऐका. कान तृप्त तृप्त होतील.

                     ई साहित्य प्रतिष्ठान : एक प्रसन्न अनुभव : सातत्यपूर्ण बारावे वर्ष 

खजिनाच हा...

पुस्तकाच्या कव्हरवर फ़क्त एक क्लिक आणि पुस्तक हजर

व्यासांनी महाभारत ग्रंथाची रचना केली त्यात प्रथम फक्त २४ हजार कडवी होती त्या भागास "भारत", असे म्हणतात. त्यानंतर आणखीन एकशेपन्नास कडवी त्यात घातली. हे सर्व त्यांने प्रथम स्वताच्या मुलांस, शुकास शिकवली. त्यानंतर त्यांने हे महाकाव्य इतर योग्य शिष्यांना शिकवले. त्यानंतर व्यासांनी आणखीन साठलक्ष कडवी त्यात घातली.
यात वेदऋषी आणि उतंकाची कथा आणि चर्चा आहे. उतंक आणि तक्षकाची कथा आहे. शौनक ऋषी आणि सौती यांच्या चर्चे तून भृगू ऋषी ( भविष्यशास्त्राचे निर्माते) आणि त्यांचा पुत्र च्यवन( आयुर्वेदाचा जनक) यांची कथा आकार घेते. पुलोम राक्षस आणि अग्नी यांची चर्चा आहे. आणि पुलोम जेव्हा च्यवनाच्या आईला (ती गर्भवती असताना) पळवतो तेव्हा झालेला च्यवनाचा जन्म (च्यवन= निसटलेला) याची कथा आहे. 
नंतर अग्नी आणि ऋषी यांच्यातील संघर्षातून जठराग्नीच्या जन्माची कथा आहे. यानंतर प्रमती, घ्रुता, ऋऋ, प्रमद्वरा, मेनका, स्थुलकेशी अशा असंख्य कथा या पहिल्या भागात आहेत.
हे पुस्तक मुळात वाचणे हे तसे कठीण काम आहे. या माझ्या लेखांनी एका जरी वाचकाला तशी बुद्धी झाली तरी मी या लेखाचे सार्थक झाले म्हणेन. 
--अशोक कोठारे
----------
अशोक कोठारे यांचे सुमारे दहा हजार पृष्ठांचे महाभारत ई साहित्य प्रतिष्ठान तर्फ़े प्रसिद्ध होत आहे. ईसाहित्यच्या अध्यात्म विभागात ते मिळेल.
www.esahity.com
​

​कादंबर्‍यांच्या खजिन्यात जाण्यासाठी इथे क्लिक करा

​

​

​

 भरपूर कथासंग्रह वाचा. कथांचा खजिना उघडण्यासाठी येथे क्लिक करा.

​

---

​

भरपूर नाटकांचा जबरदस्त खजिना 

​

​

जगभरची प्रवासवर्णनं वाचण्यासाठी इथे क्लिका

​दुर्गसाहित्य : दुर्ग दुर्घट भारी

​

महाभारत : जवळपास सर्वच लोक महाभारत म्हणजे गंमत म्हणून वाचायच्या कथा गोष्टी असे समजतात. काही थोडे लोक त्यातून राजकारण, नीतीशास्त्र, मनुष्यस्वभाव यांचा अभ्यास करण्यासाठी  उपयुक्त अशा हितोपदेश किंवा इसापनिती सारख्या गोष्टी म्हणून ते वाचतात. पण खरं सांगायचं तर मूळ महाभारत याहून अगदी वेगळं आहे. त्याचा खरा गाभा आहे तो या गोष्टींच्या दरम्यान पेरलेल्या चर्चा. दोन वेगवेगळ्या विचारांचे द्वंद्व आणि मंथन. असे शेकडो चर्चा संवाद या पुस्तकात आहेत. सहसा लेखक या चर्चा टाळून बाकी पुस्तक लिहीतात. पण या चर्चा हाच खरा या महाग्रंथाचा आत्मा आहे. आणि असा हा महाग्रंथ आता प्रथमच मराठीत येत आहे.
हा ग्रंथ वाचणं हे येरागबाळ्याचे काम नोहे. पण एकाद्या येरागबाळ्याने हे वाचलेच तो तो येरागबाळा रहाणार नाही याची ग्यारंटी.
सर्व भाग वाचण्यासाठी : 
http://www.esahity.com/23092343238123512366234023812350.html
​

​

​

​

लहान मुलांना आपण फार गृहीत धरतो. त्याचं पालन-पोषण केलं त्यांना हवं नको ते पाहिलं - त्यांना शिक्षण पुरवलं अन फार तर त्यांचे लाड पुरवले की आपण पालकत्वाची जबाबदारी निभावली असा बऱ्याच मंडळींचा ग्रह आहे. त्याच्या चिमुकल्या विश्वात असं काय विशेष घडणार आहे अथवा अजून लहान आहे त्याला काय कळतंय? अशी बोळवण करीत त्यांच्या भाव-विश्वाला सर्रास दुर्लक्षित केलं जातं. हा गैरसमज दूर करण्याचा हा छोटासा प्रयत्न हा. मानस शास्त्रज्ञांच्या मते माणसामधील स्वभाव विशेषांची त्यांच्यातील विकृती अथवा सवयींची पाळंमूळं ही त्यांच्या लहानपणामध्येच सापडतात. त्या संस्कारक्षम वयात मनावर उमटलेले चांगले वाईट ठसे हे आयुष्यभर टिकतात. काही ठसे तर पुसता पुसले जात नाहीत. तुमची जडण-घडणीची दिशा त्यावर ठरते. लहान मुलाचं निरीक्षण खूप खोलवर असतं, त्यांना नाना प्रश्न पडतात - बरेचदा मोठ्यांकडे त्याची उत्तर नसतात - त्याची उत्तरं शोधण्यापेक्षा ती टाळण्याकडेच बहुदा आपला कल असतो. त्यातूनच मग ही चौकस बुद्धी हळू हळू कमी होत जाऊन साच्यातला माणूस तयार व्हायला सुरुवात होते. ही जिज्ञासा वृत्ती जोपासण्याची गरज आहे त्याचबरोबर तिला खत-पाणी घालण्याची देखील. तरच पुढे जाऊन ही मंडळी प्रतिभावान नाव-लौकिक मिळवतील.

​

​

 

​

​

​

​

​

​

​

​

​

​

​

​

​

​

​

​

​

​

​

​

​

 एक खतरनाक थ्रिल्लर:

वर्गात शिक्षिकेची नक्कल केल्याबद्दल भानू भारस्वाडकरला पंधरा दिवसांसाठी कॉलेजमधून रेस्टिकेट करण्यात आलं. अचानक समोर आलेल्या रिकाम्या दिवसांच काय करावं असा तिला प्रश्न पडला. त्याच वेळी नयनाचा बॉयफ्रेड, जटाशंकरच्या नादी लागून, तिला सोडून त्यांच्या आश्रमात निघुन गेला. त्याला परत आणण्याची नयनाने दिलेली जबाबदारी भानूने आनंदाने स्वीकारली. पण... .
आश्रमात गेल्यावर भलत्याच भानगडीत गुंतल्याने भानूचे साहस तिच्या जीवावर बेतले. तिथं घडलेल्या घटनांची ती शेवटची साक्षीदार होती. तिचं जीवंत राहणं जटाशंकरच्या अस्तित्वाकरता धोकादायक होतं. आपली शिकार अटळ आहे याची भानूला कल्पना होती. तिच्यासमोर दोन मार्ग होते-  मुक्याने मृत्यु किंवा सर्वंकष संघर्ष…
कथा पराकोटीची रोमांचक आहे…
धारपवाडीतील खून या गाजलेल्या कादंबरीच्या लेखकाची दुसरी कादंबरी : शेवटचा साक्षीदार
​

 वास्तव....

​नाशीक पुणे रोडवरील महारामांगांची वस्ती... आताचं नागसेन नगर... तेव्हाचं काझीचं वाडगं. बाजूला कसाईवाडा, आणि इतर वाडे. पण या वस्तीच्या वाट्याला वाडा हे नांव लागू होत नव्हतं. म्हणून वाडगं.
मनोहर आहिरे हे हाडाचे कार्यकर्ते. नाशिकमध्ये घंटागाडीवरील मजूरांचा त्यांनी उभारलेला लढा प्रसिद्ध आहे. 
पण हे पुस्तक म्हणजे आरसा आहे. उत्तम कांबळे यांच्या शब्दांत सांगायचं तर काझिचं वाडगं म्हणजे एका धडपडणार्‍या कार्यकर्त्याची चित्तरकथा आहे. भिन्न जाती, भिन्न संस्कृतीच्या ... भाकरीची शिकार करायला एकत्र आलेल्या समूहाचा हा भुगोल आहे. 
मराठी साहित्याचा बहुतांश अवकाश हा मध्यमवर्गीय जीवनाअने व्यापलेला आहे. त्यात इतर जीवनप्रवाहांचं प्रतिबिंब यायला हवं. तरच ते समृद्ध होईल.
ई साहित्य विविधतेचं मनापासून स्वागत करते.

 सुप्रसिद्ध लेखिका अनघा हिरे यांची लहान मुलांसाठी गोष्टीची पुस्तके...
​

​

​

​

 कामसूत्र : मूळ लेखक वात्स्यायन
अनुवाद : सुनील सामंत
खजुराहोच्या शिल्पचित्रांसह : छायाचित्रे : हर्षज पाटकर
(चित्रविरहित कामसूत्र उपलब्ध आहे)​

धर्म, अर्थ आणि काम हे आयुष्याचे तीन आधारस्तंभ आहेत. (चवथा मोक्ष, हा आयुष्यानंतरचा).  यांतलं धर्मशास्त्र सगळ्यांकडून अभ्यासलं जात नसलं तरी बऱ्यापैकी चर्चेला येतं. निदान आपल्या संतांनी लिहून ठेवलेले धार्मिक, अध्यात्मिक विचार तरी आपण वाचतोच. ऐकतो. अर्थशास्त्र तर आपण कॉलेजात जाऊन शिकतो. टिव्हीवर चर्चा होतात. मग कामशास्त्राचा अभ्यास तरी लपूनछपून का करावा? कामसूत्राचं भाषांतर करायला खरं तर गदिमा, पाडगांवकर, ग्रेस, संदिप खरेंसारखे रसिक शब्दप्रभूच हवेत. हे काव्य आहे. त्याला रसरशीत कवितेसारखं हळूवार उलगडायला हवं. एकेक शब्द रसिकतेने कल्पनाविलासाच्या पाकात घोळवून अलंकारांच्या तुपात तळून शब्दमाणकांनी सजवलेल्या कनकाच्या नक्षीदार ताटात पेश करायला हवा. कामसूत्र पुस्तक रेशमी गुलाबी पाकळ्यांनी सजवून सॅटिनच्या मृदू तलम झिरझिरीत कव्हरसह हळूवारपणे पेश केलं जावं. आणि उघडणाऱ्याने (किंवा उघडणारीने) आपल्या थरथरत्या हळुवार बोटांनी आणि धडधडत्या हृदयानिशी त्या अक्षरांवरून नजर फ़िरवतानाच एका सप्तस्वर्गीय आनंदाच्या लाटेवर स्वार व्हावं. हे पुस्तक जमिनीवर पाय ठेवून वाचू नये (दोन्हीही अर्थांनी). आणि बुद्धी तर गहाणच ठेवावी.
ईश्कपर जोर नहीं है ये वो आतिश गालिब
जो लगाये न लगे और बुझाये न बने…
असं मानून त्या आगीच्या लवलवत्या तलम ज्वाळेत ज्याला किंवा जिला पोळून घ्यायची तीव्र इच्छा आहे त्यांच्यासाठी हे पुस्तक आहे.
​​कृपया हे पुस्तक बारा वर्षांखालील मुलामुलींच्या हाती देऊ नये

​

जेव्हा एखाद्या व्यवसायात  गोरेसुद्धा हात टेकतात;

तेव्हा तिथेच एक मराठी उद्योगपती  आपले पाय रोवतो !

 
बेळगावी एका डेंटिस्टकडे साफ़सुफ़ीसकट सगळी वरकामं करणारा एक निम्न-मध्यमवर्गीय मुलगा अमेरिकेतला एक बडा बिझनेसमन म्हणून कसा नावारुपाला आला त्याची कथा. तेही गोर्‍यांच्या बंद पडायला आलेल्या कंपन्या चालवायला घेऊन. समस्त गुजराथी-पंजाबी-मारवाडी बिझनेसमनना मागे टाकून अमेरिकेत मराठी व्यावसायिकतेचा झेंडा उभारणारा हा मुलगा, त्याचं वैयक्तिक जीवन, त्याच्या आयुष्यातील संकटं, थरार आणि आनंदाचे, विजयाचे क्षण यांचं एक सुंदर चित्रण. एखाद्या हॉलिवूड सिनेमात शोभेल अशी कथा. 
खर्‍या मराठी बाण्याची.

​

ज्ञानेश्वरी ई पारायण
 
जगातील सर्वोत्कृष्ट ग्रंथांपैकी श्री ज्ञानेश्वरी हा ग्रंथ आहे. कसे जगावे याचे उत्कृष्ट विवेचन सुंदर रितीने ज्ञानेश्वरीत केले आहे. प्रत्येक मराठी माणसाने वाचलेच पाहिजेत असे ग्रंथ म्हणजे छत्रपती शिवरायांचे चरित्र आणि श्री ज्ञानेश्वरी. लोकभाषेत साहित्य रत्नांची निर्मिती व्हावी म्हणून माऊलींनी मातेला किती सुंदर शब्दांत सांकडे गातले आहे पहा. (अध्याय बारावा)
म्हणौनि अंबे श्रीमंते| निजजनकल्पलते| आज्ञापीं मातें| ग्रंथनिरूपणीं ||१०||
नवरसीं भरवीं सागरु| करवीं उचित रत्नांचे आगरु| भावार्थाचे गिरिवरु| निफजवीं माये ||११||
साहित्यसोनियाचिया खाणी| उघडवीं देशियेचिया क्षोणीं| विवेकवल्लीची लावणी| हों देई सैंघ ||१२||
संवादफळनिधानें| प्रमेयाचीं उद्यानें| लावीं म्हणे गहनें| निरंतर ||१३||
पाखांडाचे दरकुटे| मोडीं वाग्वाद अव्हांटे| कुतर्कांचीं दुष्टें| सावजें फेडीं ||१४||
श्रीकृष्णगुणीं मातें| सर्वत्र करीं वो सरतें| राणिवे बैसवी श्रोते| श्रवणाचिये ||१५||
इये मऱ्हाठियेचिया नगरीं| ब्रह्मविद्येचा सुकाळु करीं| घेणें देणें सुखचिवरी| हों देईं या जगा ||१६||
पण ज्ञानेश्वरी प्रत्येक मराठी माणूस वाचतोच असे नाही. कारण १२९१ साली प्रचलित असलेल्या प्राकृतबहुल मराठीत लिहीलेली ज्ञानेश्वरी आजच्या तरुणांना समजायला कठीण जाते. अनेकजण प्रयत्न करतात पण नंतर सोडून देतात. कारण तेराव्या शतकातली प्राकृत भाषा आजच्या तरूणाच्या ओळखीची राहिलेली नाही.
अशा वेळी ई साहित्य प्रतिष्ठानने  श्री विजय पांढरे यांनी २१व्या शतकातील सोप्या मराठीत ओवीबद्ध केलेली भावार्थ ज्ञानेश्वरी इंटरनेटवर आणली.  वर दिलेल्या ओव्या विजय पांढरे यांच्या सुबोध ओवीरुपात कशा दिसतात तेही पहा
म्हणोनी अंबे श्रीमंते। भक्तजन कल्पलते। द्यावी आज्ञा माते। ग्रंथनिरूपणाची॥१०॥
त्या नवरससागरातून। काढून ते आत्मज्ञानरत्न। भावार्थाचे प्रकटन। होवो येथे॥११॥
साहित्यसोन्याच्या खाणीतून। प्रकटू दे देशीबोलीतून। शब्द ते विवेकसंपन्न। आज येथे॥१२॥
कृष्णार्जून संवादातून। कर रहस्याचे उद्‍घाटन। आत्मज्ञान ते गहन । प्रकटो येथे॥१३॥
करून पाखंडाचे खंडन। वादविवाद तो मोडून। कुतर्कांची जाळे तोडून। प्रकटावे आज॥१४॥
प्रकटवून ते अवधान। कर भगवंत गुणांचे वर्णन। श्रोत्यांना ते श्रवण। घडो आज॥१५॥
मर्‍हाटीचिये नगरी। ब्रह्मविद्येचा सुकाळू करी। सर्वांठायी ज्ञानाची उजरी। करावी आज॥१६॥
 
स्वतःच्या सोयीच्या वेळेनुसार, रोजचा केवळ अर्धा तास, असे फ़क्त एकोणतीस दिवस वाचन करून आपण ज्ञानेश्वरीचे पूर्ण पारायण करू शकता.
ही ज्ञानेश्वरी मूळ ज्ञानेश्वरीप्रमाणेच ओवीबद्ध असून समजायला खूपच सोपी झाली आहे. मूळ प्राकृत ज्ञानेश्वरीइतकीच रसाळ. या ज्ञानेश्वरी सोबत मूळ ज्ञानेश्वरीचीही ई प्रत उपलब्ध आहे. 

​

​

सह्याद्रीचा सिंह गर्जतो! शिव शंभू राजा! दरीदरीतून नाद गुंजला! 

महाराष्ट्र माझा

दुर्गभ्रमण

दुर्गभ्रमण : ई साहित्य प्रतिष्ठानने २८० किल्ल्यांची इत्थंभूत माहिती देणार्‍या स्वतंत्र २८० पुस्तिका निर्माण करायचा संकल्प केला आहे. आजवर सुमारे ४० दुर्गांच्या पुस्तिका तयार झाल्या असून इतर दुर्गांच्या माहिती संकलनाचे काम सुरू आहे. आपण जर दुर्ग भ्रमण करत असाल व आपण आपल्याजवळची माहिती व फ़ोटो देऊ इच्छित असाल तर संपर्क साधा.

बालभारती : पहिली ते सातवी

महाराष्ट्र सरकारच्या शिक्षण खात्याने  सर्व शालेय पुस्तके आता ई स्वरूपात उपलब्ध करून द्यायला सुरूवात केली आहे. ई साहित्य प्रतिष्ठानच्या वेबसाईटवर पहिली ते सातवीची सर्व मराठी बालभारती पुस्तकं उपलब्ध होत आहेत.

आपल्या शालेय जीवनात एकदा फ़ेरफ़टका मारून यावा ही इच्छा तर प्रत्येकाचीच असते. ही पुस्तकं वाचताना अगदी प्राथमिक शाळेच्या तुकडीत बसल्याचा आनंद तुम्हाला मिळेल.  पण त्यापुढे जाऊन इतरही अनेक उपयोग या पुस्तकांचे आहेत. इंग्लीश माध्यमातून शिकलेल्या किंवा परदेशातल्या आणि परराज्यातल्या मुलांना मराठी भाषेच्या सुगंधाचा लाभ देणे आता पालकांना शक्य होईल. आपल्या ओळखीची अशी कुटुंबे असतील तर त्यांना या पुस्तकांची लिंक पाठवा.

शालेय अभ्यासक्रम झपाट्याने बदलतो आहे. मूल्यं बदलत आहेत. आताच्या पुस्तकांमध्ये शिक्षकांना विशेष सूचना करून ग्रामीण विद्यार्थ्यांच्या शब्दांची आणि नात्यागोत्यांची ओळख करून घेण्याचे आवाहन केले जाते. काही दशकांपुर्वी अशा शब्दांची हेटाळणी किंवा थट्टा होत असे. या नव्या प्रयोगांतून मराठी अधिकाधिक समृद्ध होत जाईल अशी आशा वाटते. मला तर ही सात पुस्तके वाचताना मराठीचा भविष्यकाल अधिक उज्ज्वल आहे असे वाटू लागले. तुम्हाला काय वाटते?

अनेक कारणांसाठी ही पुस्तके वाचण्याचा आम्ही आग्रह करतो. वाचाच. अगदी मनसोक्त.

ही पुस्तकं तशी इवली इवलीच आहेत. पण वाचताना तासन्‍तास निघून जातात. एका एका पानावर किती वेळ रेंगाळतो याचा हिशेबच रहात नाही.

वाचताना अनेकदा डोळॆ भरून येतात. खोटं नाही.
 

​

कवयित्री आसावरी काकडे यांना सर्वच कविता प्रेमी ओळखतात. त्यामुळे त्यांची नव्याने ओळख करून देण्याची गरज नाही. इयत्ता सातवी ते एम. ए.पर्यंतच्या विविध वर्गांच्या अभ्यासक्रमात त्यांच्या कविता असल्यामुळे त्यांच्या कवितेची ओळख सर्वांनाच झाली आहे. तरी या संग्रहाच्या निमित्ताने त्यांचा अल्प परिचय करून देणे गरजेचे वाटते-
प्रकाशित पुस्तके कवितासंग्रह-
मराठी- ‘आरसा’.. ‘लाहो’, ‘मी एक दर्शनबिंदू’.... ‘उत्तरार्ध’ इ. ७ संग्रह
हिन्दी- ‘मौन क्षणों का अनुवाद’ आणि ‘इसीलिए शायद’
अनुवाद- ‘मेरे हिस्से की यात्रा ‘बोल माधवी’, ‘तरीही काही बाकी राहील’, ‘लम्हा लम्हा’ आणि ‘तू लिही कविता’ इ. ५ 
बालगीतसंग्रह- ‘अनु मनु शिरू’, ‘भिंगोर्‍या भिंग’, ‘ऋतुचक्र’ इ. ५ संग्रह
गद्य लेखन- ‘कवितेभोवतीचं अवकाश’ (लेखसंग्रह), आणि ‘ईशावास्यम् इदं सर्वम्… : एक आकलन-प्रवास’ (तत्त्वज्ञान)
महत्त्वाचे पुरस्कार-
* ‘बोल माधवी’- साहित्य अकादेमी, नवी दिल्लीचा अनुवाद पुरस्कार
* ‘इसीलिए शायद’- केंद्रीय हिन्दी निदेशालय, नवी दिल्लीचा हिन्दीतर भाषी हिन्दी लेखक पुरस्कार
* ‘मेरे हिस्से की यात्रा’- महाराष्ट्र राज्य हिन्दी साहित्य अकादमीचा संत नामदेव पुरस्कार
* ‘आरसा’ आणि ‘मी एक दर्शनबिन्दू’ या संग्रहांना महाराष्ट्र राज्य पुरस्कार
* एकूण लेखनासाठी गो.नी.दांडेकर स्मृती ‘मृण्मयी’ पुरस्कार
मात्र आजच्या त्यांच्या कवितासंग्रहाचा विषय अगदी वेगळा आहे. या कवितांचं निमित्त आहे एक नवीन मोबाईल. या मोबाईलने फोटो काढता काढता मनात आलेले विचार या कवितांतून त्यांनी शब्दबद्ध केले आहेत. या विचारांना तात्त्विक चिंतनाची बैठक आहे. कविता वाचण्यापूर्वी संग्रहाचे छोटेसे मनोगत अवश्य वाचावे. एका साध्या विषयातून एक कवयित्री किती विविधांगी विचारविश्वाचे दर्शन घडवू शकते हे पाहून आपल्याला अचंबित व्हायला होते. एका मेघाकडे पाहून महाकवी कालिदास मेघदूताची निर्मिती करतात तसंच काहीसं आहे हे.

भारत. इंडिया. हिंदुस्तान.
एक भव्य इतिहासाचा उज्ज्वल वारसा.
एक महान परंपरेचा खळाळता प्रवाह.
जगातील अत्यंत बुद्धीमान लोकांचा खंड.
धैर्यशील योद्ध्यांचा, शूर वीरांचा भक्कम इतिहास.
प्रगतीशील आर्थिक संपन्नतेचा समृद्ध वारसा. जिथला धूरसुद्धा स्वर्णरंगी उठतो अशी ख्याती.
अशा खंडावर राज्य करणारे राजे, आणि राजवंश, घराणीसुद्धा तसेच महापराक्रमी, ताकदवान, भव्य दिव्य परंपरांचे पाईक.
एकाहून एक महान राजसत्तांचा हा देश. आणि या तेजस्वी राजवंशांची माहिती देणारे हे पुस्तक.
भारतात आजवर होऊन गेलेल्या महत्त्वाच्या राजवंशांचा हा धावता आलेख आहे.
सत्ता, राजा, राजवंश, नेता म्हणजे केवळ व्यक्ती नसतात. जनांच्या प्रवाहाला, समाजाला, प्रगतीला दिशा देणारे ते सुकाणू असते. स्टिअरिंग व्हील असते. राजे, नेते हे देशाच्या नियतीला वळण देणारे नियंते असतात. हा देश आज जो काही आहे, जसा काही आहे, त्याला हे राजवंश, हे नेते, ही घराणी कारणीभूत आहेत. या घराण्यांच्या उदयाच्या वेळची रत्नप्रभा, त्यांनी गाजवलेली युद्धं. त्यांच्या सर्वोच्च काळातली रत्नावली आणि त्यांच्या अस्ताचा चटका लावून जाणारा इतिहास हे सारेच भव्य आहे. मनोरंजक आहे. ज्ञानदायी आहे. इ.स. पूर्व कालातल्या चोला, चालुक्यांपासून, शक, कुशाण, शातवाहन, यादव, बहामनी ते अफ़गाण, तुर्क, मोगल आणि मराठे, राजपुत, शिंदे, होळकर, झाशी, होत होत ब्रिटिश, पोर्तुगीज, डच, फ़्रेंच यांचे राज्य आणि शेवटी १९४७ साली भारत स्वतंत्र होऊन महात्मा गांधींच्या हत्ये पर्यंतचा इतिहास या फ़क्त साठ पानांमध्ये बंदिस्त केला आहे.
एका अर्थी हा अनेक खंडांच्या ग्रंथावलीचा विषय आहे. आणि कधी ना कधी ई साहित्य तर्फ़े असा खंडमय इतिहास प्रकाशित होईलच. सध्या हा त्या समृद्ध इतिहासचा हा ट्रेलर वाचा. गागर में महासागर असे या पुस्तकाचे स्वरूप आहे.
वाचा. आनंद घ्या.
मित्रांना भेट द्या.

मनोधैर्यात्मक (Motivational) पुस्तके

मराठी तरुणांना उद्योगी जगतात मार्गदर्शक ठरतील, प्रगतीसाठी दिशा दाखवणारी पुस्तके.

 
मराठी मनांवर कायम राज्य करणार्‍या नरकेसरीच्या जीवनविचारांचे पुस्तक
महाराष्ट्राचा अभिमान : गीता रहस्य

बरोब्बर शंभर वर्षांपुर्वी, १९१५ च्या वैशाख महिन्यात, गीता रहस्य प्रसिद्ध झाले. मंडालेच्या स्थानबद्धतेत असताना लोकमान्यांनी गीतारहस्य लिहिले हे खरे. पण गीतारहस्य त्यांच्या मनात लिहीले गेले ते वर्षानुवर्षांच्या मनोसंवादातून. टिळकांसारखा माणूस जेव्हा तत्कालीन सर्वमान्य राजकीय पद्धतींपासून फ़टकून तेल्यातांबोळ्यांचा नेता म्हणून उभा राहिला तेव्हा हे काही वेगळेच रसायन आहे हे सर्वांनाच जाणवले असावेच. स्वतःचा मार्ग स्वतः शोधणार्‍या  जिनियस ऐतिहासिक व्यक्तीमत्त्वांपैकी ते एक होते. अशा प्रकारे स्वतःचा मार्ग शोधणार्‍याच्या आयुष्यात अनेकदा तिठे येतात आणि कोणत्या मार्गाची निवड करावी यावर आपले आणि आपल्याबरोबरच अनेकांचे भवितव्य अवलंबून आहे या जबाबदारीची जाणिवही त्यांना असते. अशा महान व्यक्तींच्या वैचारीक इमारतींमध्ये पोलादी मजबूत पाया असल्याशिवाय ती इमारत उभी राहू शकत नाही. गीतारहस्य म्हणजे लोकमान्यांच्या या मजबूत पायाची, त्या पोलादाची त्यांनीच करून दिलेली ओळख आहे. आणि हे पोलाद त्यांच्या पन्नासेक वर्षांच्या जीवनसंघर्षातून तावून सुलाखून निघालेले पोलाद आहे. हे पोलाद आपल्याला मिळण्यासाठी कितीही किंमत मोजावी लागली तरी ती कमीच. पण हा सुमारे १००० पानांचा संपूर्ण ग्रंथ पाच खंडांमध्ये विनामूल्य उपलब्ध आहे.

गीता रहस्य हा भगवद्‍गीतेचा अनुवाद नाही. रूढ अर्थाने टीकाही नाही. गीतारहस्याच्या पाच खंडांपैकी फ़क्त एक, शेवटचा खंड हा भगवद्‍गीतेच्या श्लोकार्थांचा खंड आहे. अर्थातच या श्लोकार्थांनाही खास टिळकवादाचा रंग आहे.

        माणसाचं भुकेलं असणं हे वाईटच. आजही भारतातले काही कोटी लोक दिवसचे दिवस अर्धपोटी असतात हेही वाईटच. पण त्याहून वाईट, कित्येक कोटी सुखवस्तू सुशिक्षित लोकांना त्या कित्येक कोटी अर्धपोटी लोकांची अजिबात पर्वा नसणं हे आहे. पर्वा, जाणीव, सहसंवेदना तर सोडाच पण आताच्या शहरी मध्यमवर्गीय मुलांना भूक, अर्धपोटी असं काही आहे यावर विश्वासच नाही. 
            भारतात रोज (हो दररोज) ३००० मुलं (हो ३००० हूनही अधिक मुलं) कुपोषणामुळे मरतात ही गोष्ट त्यांना अतिशयोक्तीची वाटेल. आणि अर्धपोटी लोकांचे प्रमाण भारतात नेपाळ आणि श्रीलंकेहूनही जास्त आहे ही गोष्ट तर त्यांना अशक्यच वाटेल. या काळात आणि अजूनही लोक पुर्ण पोटभर जेवत नाहीत? त्यांना पोटभर जेवण हा चैन वाटते? इथे? या देशात? या राज्यात? हट्‍! काहीतरीच काय?

         म्हणून हे पुस्तक. नरेश रावताला यांनी अतिशय चिकाटीने संशोधन करून लिहिलेलं हे पुस्तक वाचताना अंगावर काटा येतो. हो. याच काळात, याच देशात, याच राज्यात, अगदी तुम्ही जिथे कुठे हे वाचत असाल तिथून एका किलोमिटरच्या अंतरात या क्षणाला कोणीतरी भुकेने तळमळत असेल. आणि कोणी जर एखादी शिळी पोळी पुढे केली तर ती मिळवण्यासाठी मारामारी करणारी गर्दी जमा होत असेल. यावर विश्वास बसणं कठीण आहे. कारण आतडं कुरतडणारी भूक काय असते हे ई पुस्तक वाचणार्‍या पिढीतल्या आणि वर्गातल्या फ़ारच कमी मुलांना माहिती असते.

       म्हणून. म्हणून हे पुस्तक. वाचाच. थोडं त्रासदायक वाटेल. आकडेवारी, अभ्यास, भूक हे सगळं त्रासदायकच असतं. पण हे पुस्तक वाचल्यावर तुमची नजरच बदलून जाईल. तुमच्या संवेदना जाग्या होतील.

त्याची आज गरज आहे. 

ई कॉफ़ि टेबल बुक : स्वाक्षरांकित : विजय देशपांडे

एका छांदिष्टाचे साठ वर्षांचे कडू गोड आणि तिखट अनुभव.

स्वा. सावरकर ते नरेंद्र मोदी, पतौडी, तेंडुलकर ते डॉन ब्रॅडमन, जे पी ते जे आर डी, भारताचे सर्व पंतप्रधान, राष्ट्रपती, महाराष्ट्राचे सर्व मुख्यमंत्री, सर्व क्रिकेट पटू, अनेक जागतिक नेते, थॅचर ते क्लिंटन, मंगेशकर ते मदर तेरेसा, अनेक नोबेल जेते, माधुरी दिक्षित ते गुलजार, दिलिपकुमार देवानंद ते अमिताभ आमिरखान, पेले ते झुबिन मेहता, पु ल देशपांडे, बाळासाहेब ठाकरे ते आर के लक्ष्मण, श्री श्री रविशंकर ते नेल्सन मंडेला, जगभरातल्या सेलेब्रिटिजच्या स्वाक्षर्‍या मिळवतानाचे अनुभव.

एक वाचलेच पाहिजे आणि पाहिलेच पाहिजे असे देखणे ई कॉफ़ी टेबल बुक.

                संतसाहित्य

संतांची भूमी महाराष्ट्र : संत ज्ञानेश्वर, संत तुकाराम, संत रामदास, संत चोखामेळा, संत बहिणाबाई, संत नामदेव, संत कान्होपात्रा, संत गोरा कुंभार यांच्या व इतरांच्या मधुर अभंग ओवी रचनेचा आस्वाद घ्या. ई साहित्याच्या खजिन्यात आनंदाला कसलाच तोटा नाही.
ज्ञानेश्वरीचे पारायण आणि ज्ञानेश्वरीचा भावार्थ व त्याचे संगीतमय पारायण हे देखिल याच वेबसाईटवर उपलब्ध आहेत. आनंदाला काही सीमाच नाही म्हणा ना.

क्लिक - फोटोग्राफीचे तंत्र आणि मंत्र समजावणार्‍या साध्या सोप्या भाषेतल्या पुस्तिकांचा संच

 शेतकर्‍याचा आसूड

 निसर्ग माझा सोबती

लोहगड

भुईभोग

 अस्वस्थ करणारी पुस्तके

 मोहक युरोप

 बंकू बहाद्दर

 साप : समज व गैरसमज

 वेलीसारखी होती ती

 सात दिवस संस्कारांचे

                                                                                                                    बालसाहित्य

                                                        लहान मुलासांठी मराठीमध्ये बालगाणी आणि गोष्टींची पुस्तकांचा खजिना या इथे बनतो आहे. 

आईसक्रीमचा देश

गिडूची शाळा

 धम्मधमाका१४

 चेरी लॅंड 

 

शेकडो मराठी पुस्तके विषयवार  >>

 मराठी कथा

मराठी कादंबरी

मराठी इतिहास

मराठी नाटक

मराठी ललित भावबंध

मराठी वैचारिक

चरित्र

प्रवासवर्णन

दुर्ग दुर्घट भारी

विनोद

इत्यर्थ

कला

माहिती

नेटाक्षरी

काव्यसंग्रह

गझल

त्रिवेणी , चारोळी

बालनेटाक्षरी

ई श्टाप

व्हिडिओ

बालगोष्टी

बालगाणी

 धार्मिक/अध्यात्म

ज्ञानेश्वरी

ज्ञानेश्वरी ऑडिओ

संगीत

संस्कृत 

पाककला

खेळ

कृषी

मूर्तीकला

कामसूत्र

चित्रकला

फ़ोटोग्राफ़ी

इतर

---

 पुस्तकांची यादी व थोडक्यात ओळख


पुस्तक शोधायचे कसे?
वरची यादी उघडा आणि सेव्ह करून ठेवा. 
त्यातल्या हव्या त्या पुस्तकाचे नांव copy करा
मग कोणत्याही पेजच्या सर्वात वर Search आहे तिथे Paste करा आणि Enter करा. पुस्तक हजर!
Open केलेले पुस्तक जर नंतर वाचायचे असेल तर त्यावर Right click करून Save as करून आपल्या PC / mobile वर घ्या.